政情：今日你上鏡：方文雄父子食飯慶「工」

卓妮途經香港會所經常遇見唔少政商界名人，尋日中午就見到身兼中華總商會副會長嘅協成行董事總經理方文雄（David），與兒子方添輝父子檔去食晏。咁高興，原來係因為協成行旗下歷時三年半打造嘅黃竹坑工廈活化項目Genesis前日終於開幕，而今次正係方添輝返公司幫手後首個參與嘅大型項目，極具意義，所以佢哋兩父子尋日要去食飯慶功喎！David話，呢座活化工廈其中兩層會以極優惠租金租畀藝術發展局、東華三院及一個青年團體，協助年輕人創業及提供職訓機會。