政情：梁美芬寸爆盲毛「矇查查」

梁美芬

睇番當年戴耀廷嘅訪問內容，佢話「第一個萬人擠塞警署時，第二個一萬人可以去尖沙咀集結，然後第三批一萬人又可以去沙田堵路」，當時佢嘅講法係「癱瘓警署」，但呢個號召萬人自首嘅諗法確係需要動員大批警力，目的無疑係想癱瘓警隊。雖然阿毛喺會上強調無聽過有人要癱瘓警隊，更要求梁美芬糾正有關講法，但梁今次確實係有備而戰，仲寸爆阿毛講嘢前要做吓功課，或者叫助手查清楚先好講。

• 毛孟靜

主席叫唔好嘈

發言時間結束後，二人仍然喺座位上爭持不下，主席葉國謙後來都忍唔住叫佢哋唔好再嘈。阿毛被人噴到一面屁，最後喺毫無反擊之力嘅情況下冇癮離場。