觀塘：發泡膠盒阻街 食署唔踢唔郁
「成日都係咁，咁耐以嚟一啲改善都冇，食環署究竟做緊啲乜嘢？」居於觀塘的何小姐指出，瑞和街市政大廈對出一段行人路經常被佔用擺放大量發泡膠盒，儼如小型貨倉，「阻礙人又搞到周街污糟邋遢，有啲仲疊到高過人，分分鐘可能跌落嚟！」
「有法例都要執行先有效」
食環署發言人表示，一直關注上址有雜物阻塞行人路情況，並不時派員巡查。若發現有物品妨礙該署街道清掃工作，會向物主發出警告，飭令物主在指定時間內移走物品。接獲轉介後派員巡查，物主經警告後已即時將物品移走。該署仍會繼續留意上址情況及採取適當行動。何小姐希望食環署正視並加強執法，取締有關違規情況，保持行人通道暢通無阻。「話就話關注，得個講字係解決唔到問題，有法例都要執行先有效！」