渡海濠情：做獨家村好易出事
日本好多年輕人都好易自尋短見，所以近日有網站做咗個調查，睇吓乜嘢情況下最易令年輕人睇唔開，最後發現身邊一個朋友都冇嘅人，就最容易出事，嚟自大富豪桑拿嘅小月就話：「好彩我男女朋友都一籮籮咁多啫！」
暈晒大浪
小月話：「我最喜歡交朋結友，所以一定唔會睇唔開出事，而且我遇上唔開心嘅事，亦唔會一個人自己悶着解決，反而會約埋成班朋友出嚟幫手拆掂佢，雖然有人會胡言亂語，講啲九唔搭八嘅嘢，但勝在現場熱熱鬧鬧，開開心心，愁悶嘅心情馬上一掃而空，而且俗語講得好：『三個臭皮匠，勝過一個諸葛亮』，有時候佢哋真係會忽發奇想，幫到我解決問題，好似上年喺間公司返工，但發現公司裏面人事太複雜，於是想唔撈，但老闆就話要扣年尾雙糧，又話會冇晒年假，搞到我十五十六，後嚟我班姊妹一齊操上公司話見工，仲話任勞任怨，電到我老闆暈晒大浪，於是就馬上計埋啲糧同假就放我走，老闆以為撈粗嘢，點知我一走佢哋齊齊唔返工，激到佢生蝦咁跳！」
一敗塗地
係男人都貪新忘舊，換轉係我都會上當呀！小月話：「身邊有大班朋友，無錯係好開心，但有時認識得太深，反而要小心佢哋出賣你，話說有一個好姊妹，同我相識咗十年有多，大家關係不知幾深厚，但好衰唔衰，佢竟然暗戀我嘅男朋友，有次同男朋友鬧交，事後有啲歉意，但又唔好意思先道歉，於是咪搵佢同我解釋一下囉！點知佢就趁我同男友冷戰，乘虛而入，唔係畀我撞破佢哋去開房，我都唔知佢兩個背住我發展咗成半年關係，諗住數臭男友時，佢竟把我背住佢做嘅好事全都講晒出嚟，擺明就係呢個好姊妹出賣我啦！呢鋪真係一敗塗地，所以幾好朋友都好，都要小心畀人出賣，但一個朋友都冇就會好易出事呀！」
小月Profile
年齡：22歲
三圍：35-25-35
撰文：小德
攝影：阿生