探射燈：廣明苑獨力付費業主怨歷史重演
「點解明明係供應整個區嘅鹹水管，出問題時，偏偏要我哋廣明苑嘅業主負責所有維修費用，成件事根本就唔公平。」廣明苑業主立案法團主席陳堂榮指出，「對上一次爆鹹水管時，我哋曾經同房屋署開會，但最終都要我哋屋苑支付維修費用，今次又發生問題，房署都係坐視不理，真係過分！」
房署：該渠設於屋苑地底
二○一三年五月十九日，廣明苑對出一條地底鹹水管爆裂，並需進行維修工程。當時房屋署曾派員與廣明苑業主立案法團開會，惟指有關鹹水管設於廣明苑地底，因此房署沒有責任支付維修費用。
礙於市民用水急切，當時廣明苑業主立案法團惟有自行找外判商維修工程，費用高達十三萬元，並由業主共同負擔，事後惹起非議。陳堂榮補充，「若鹹水只係供應我哋屋苑，我哋業主付錢維修，當然心甘命抵，依家條鹹水喉係供應全區其他屋邨，就無理由係我哋一個屋苑負責！」
