政情：公民講場：譚論《國安法》「十畫未有一撇」

港區人大代表吳秋北早前話，會喺三月人大政協兩會期間建議將《國家安全法》納入《基本法》附件，等《國安法》適用於香港。身兼港區人大代表同基本法委員會委員嘅譚惠珠尋日就話，《國安法》「十畫都未有一撇」，以佢所知根本就唔喺今次兩會嘅議程，覺得社會唔應該炒作咁話。珠姐前兩日先話過，《基本法》廿三條其實係令香港「着數咗」，尋日珠姐就繼續「唱好」廿三條，話香港應該先為廿三條立法，咁就更實際喇。