勞工及福利局局長張建宗花名叫肥仔張，佢嘅身形係點大家有眼睇喇！尋日肥仔張出席一個推廣精神健康嘅活動時，同一眾嘉賓齊齊拎住條長巾做健康操，見佢着住成套西裝及皮鞋做體操已經夠晒騎呢啦，再細心一望，當佢跟大隊做金雞獨立嘅動作時，明顯隻腳唔夠力，導致身體有啲唔平衡，再加上雙手拉扯住長巾，真係幾趣怪。睇嚟肥仔張要的起心肝做多啲運動至得嘞！
