歷劫商戶聞「佔」既驚且怒

彌敦道商戶：生意減半 苦不堪言

旺角重光至今約兩個月，商舖林立的彌敦道似漸復舊觀，但商戶的「內傷」與「心理陰影」仍揮之不去。在彌敦道經營藥房的郭先生稱，平常每月營業額達一百二十萬元，但去年佔旺的兩個月內，每月生意額減半，熟客也不敢前來，至今猶有餘悸：「生意剛剛先逐步回升，梗係唔想再有佔領行動啦！」同區酒樓經理韓先生亦不想再見到佔領行動，回想當時連續一個月要提早關門兩小時，苦不堪言：「有十幾單酒席要取消，好彩係自己舖位先捱得住！」

銅鑼灣商戶：學生用錯方法抗爭

早前曾受佔領銅鑼灣影響的商戶亦坦言擔心再次發生佔領行動。在銅鑼灣地帶經營手工藝品店的陳小姐指，佔中期間損失約七成生意，差點無法交租。雖然業主願意在租戶符合指定條款下，於本月及下月減租兩成，而臨近情人節旺季，她推出的一系列應節產品亦已收到訂單，但擔心佔領重臨會影響銷情：「我好多客都係揸車嚟，一旦再有佔領活動，啲客唔識路就唔會嚟，到時我哋雞毛鴨血。」她坦言學生用錯方法抗爭，影響民生。

市民心聲 陳同學（大學一年級）：「佔領過後唔應該再佔領，反而應該多諗其他方法，增加市民對爭取民主嘅關注度」	熊小姐（室內設計）：「平時都會嚟銅鑼灣買嘢，覺得佔領行動真係好影響商戶」	張同學（中四生）：「唔想佔領再出現，目前唔擔心佔領再現，因覺得冇人會理戴耀廷嘅說話」

「街坊話以前個場好旺，依家就靜咗好多。」在同一商場經營首飾店的葉小姐指，店舖開業僅兩個月，未曾經歷佔領行動「洗禮」，但她認為現時市道較差，若再有佔領必定對生意有影響：「每月要做四、五萬蚊生意先夠交租，咁我新舖無熟客，無生客嚟我驚捱唔住。」化妝品店店員楊小姐更指，生意根本未復元氣：「以前高峰期每日做七千蚊生意，呢兩個月每日都係得幾百蚊。」她認為學生表達訴求不應影響商戶做生意。

商戶叫苦 郭先生（藥房）：「佔旺嘅兩個月內每月生意額減半，至今猶有餘悸」	陳小姐（手工藝品店）：「擔心再佔領會影響生意，到時我哋就雞毛鴨血」	楊小姐（化妝品店）：「佔領行動之後年輕顧客大幅減少，生意根本未復元氣」

校巴業盼勿堵路破壞交通

汽車交通運輸業總工會非專利巴士分會（學童車組）港島區負責人李文傑稱，若再有霸佔馬路或堵塞交通等破壞性行動，最終受害的包括學校、學生及家長：「我哋校巴業角色好被動，到時都只係改道，無咩可以做到，但學生就會遲到。」李呼籲任何人士即使示威抗議，亦應顧及民生，盡量減低對市民日常生活的影響。