葵涌：外牆污渠滲漏跣居民
喉管滲漏涉及衞生問題，尤其公眾地方，影響範疇可大可小。居於葵涌葵芳邨的姜先生發現，葵健樓地下外牆污水渠出現滲漏，擔心影響衞生，「滲咗成個星期都冇人整，搞到嗰度地下邋邋遢遢同濕晒，行過都驚跣低！」
接獲本報轉介即修妥
葵芳邨物業服務辦事處發言人表示，職員於去年十二月底日常巡邏時，已發現上述污水渠有滲漏情況，並隨即通知工程承辦商安排更換部分污水渠，有關工程已於近日完成，現時有關污水渠已再沒有滲漏。
「投訴咗好快就有人嚟整番好，依家乾淨晒，唔再怕會跣親人！」姜先生證實，經本報轉介後上述污水渠已迅即維修妥善。