政情：公民講場：廿三條無影 「吳」驚等到2047

港區人大代表吳秋北日前提出喺人大政協兩會期間建議將《國家安全法》納入《基本法》附件，等《國安法》可以適用於香港。不過，此言一出唔止受到泛民主派狠批，就連建制派都質疑。吳秋北尋日就繼續發功，話香港未有就《基本法》第二十三條立法嘅時間表，質問「未有時間表，係咪要等到二○四七年呢？覺得好奇怪，可以允許憲制責任可以無限期延誤，令國家安全處於真空狀態。」佢仲繼續硬銷《國安法》，話係對國民安身立命、生命財產嘅保護。咁依家有幾多人大支持佢呢？佢話唔需要數人頭喎。