商戶雜物霸道 滲污水損衞生
「啲發泡膠箱堆到成個山仔咁高，仲係咁流啲污水出嚟，搞到成條街都好污糟！」居於大圍的張太每日均會取道美田路回家，發現上址不時有商戶將發泡膠箱堆放於行人路，認為有礙觀瞻之餘，亦有損環境衞生，「咁大堆嘢擺喺條街度，點解日日如是都好似冇人理咁？」
食署檢控仍無改善
食環署發言人證實，過去一年共接獲約九十宗投訴，並就對公眾地方造成阻礙及妨礙街道清掃工作問題，對涉事店舖分別提出五百四十七宗及七宗檢控，另就附近一帶觸犯公眾地方潔淨罪行人士發出二十九張定額罰款通知書。
張太認為，雖然當局已對違規店舖作多宗檢控，但阻街情況卻絲毫沒有改善，要求食環署應檢討現行罰則，以提高阻嚇力，「有咁多單檢控都冇咩用咁，食環署好應該諗吓係咪罰則太輕！」