渡海濠情：家人反對 三思而後行
早前湖南一位新娘子喺結婚當日等極都唔見新郎哥出現，突然收到對方嘅短訊，聲稱因打架被人拉咗而無法行婚禮，新娘馬上到酒店取消酒席，怎料驚見對方同另一個女人擺酒結婚！嚟自大富豪桑拿嘅小貞就話：「有冇搞錯？」
盲婚啞嫁
小貞話：「呢單新聞我都有睇過，話說男方嘅老竇唔喜歡呢位新娘子，但新郎就好想同佢結婚，於是搵啲朋友假扮家人向女家提親，並安排好結婚日子，據講仲畀咗八萬幾蚊人仔做禮金，但結婚當日，新郎卻畀家人捉咗去同另一個新娘子行婚禮，到真愛搵到佢時，米已成炊。據報新娘家人已經報警，但相信呢單嘢都係審死官！要怨嘅就係家陣仲係乜嘢年代？年輕人嘅婚事，仲要畀家人嚟管制，要佢娶邊個就娶邊個，同封建社會盲婚啞嫁有乜嘢分別？最唔爭氣仲係個新郎哥，明明喜歡自己揀嘅新娘，又唔敢違抗父母之命，最後竟同一個自己唔喜歡嘅女子結婚，咁仲算係男人嚟嘅！所以千錯萬錯，都係錯在新郎哥太過懦弱，唔敢為真愛作出反抗。」
同甘共苦
講得好！換轉係你又會點呢？小貞話：「我當然會反抗到底，誓要同深愛嘅人喺埋一齊啦！好似我讀高中時，屋企人就反對我同一個男仔拍拖，你知道我當時點做呀？學人哋私奔呀！離家出走咗十幾日，將兩個人嘅積蓄都用晒，最後惟有死死氣地返屋企，好彩嗰次父母態度軟化，答允畀我哋喺埋一齊，但經過十幾日同甘共苦嘅生活，我發現呢個男朋友真係冇鬼用，擔又唔得，抬又唔得，又膽小怕事，出走咁多日嚟都係我照顧佢，真係諗起都火滾！我最後都係撇咗佢，所以要同屋企人對着幹之前，真係要諗清楚，究竟值唔值得？如果左思右想都係唔值得嘅，咁就無謂作賤自己，攞苦嚟辛，但如果認為值得嘅，咁就幾大就幾大，一於同深愛嘅人喺埋一齊，過自己想過嘅生活！」
小貞Profile
年齡：21歲
三圍：34-23-34
撰文：小德
攝影：阿程