政情：公民講場：「多侍」鄧國威唔啱嘴形

立法會某委員會尋日討論公務員待遇時，有泛民議員要求將現時只得五日嘅公務員有薪侍產假增至七日，公務員事務局局長鄧國威就認為五日已經足夠，政府暫無計劃再加。咁又係嘅，因為一般打工仔亦只得三日法定有薪侍產假，公務員已經畀佢哋多三分二，如果再增至七日，即比一般打工仔多出超過一倍，市民實會批評政府同公務員「殘民自肥」，令負責侍產假法案嘅勞工及福利局局長張建宗面對更大壓力。