政情：鄭泳舜「車輪戰」聽囝囝心事

不可單靠說教

Vincent話，自己每朝都堅持六點半起身送三個囝囝返學，把握時間同佢哋傾偈，又透露三個囝囝性格各有不同，因此每個星期日都會單獨帶其中一個囝囝出去食早餐，同佢哋傾吓男仔心事。

Vincent舉例指，大仔性格較文靜，佢通常會用囝囝嘅興趣打開話匣子，例如打波、機械人同埋地圖等，強調依家唔可以單靠說教方式同囝囝相處，有時要企喺佢哋嘅角度諗，咁先係有質素嘅相處。

至於夫妻間嘅相處之道，Vincent話，自己同太太嘅共同興趣係跑步同行山，並指即使同太太結婚多年，有時都會花心思製造浪漫，例如早啲約定對方慶祝周年紀念。