平台僭建 途人憂隨時冧
「啲人成日諗住用盡啲位整到間屋大啲，諗住唔會咁易有事，但其實亂咁起好影響層樓嘅結構，有起事上嚟住嘅人危險，喺街行嘅（人）都危險。」羅先生指深水埗福華街有大廈平台疑有僭建物，擔心影響途人安全。
屋署稱已發清拆令
屋宇署接獲轉介後兩個月始作回覆，發言人稱，根據紀錄，上址平台有僭建物，當局已按《建築物條例》規定，向有關業主發出清拆令，着令清拆有關僭建物，並會繼續跟進。不過，被問及上址平台僭建物的數量時，發言人則指未有統計。
「屋宇署過成兩個月先覆人，但就淨係話已經警告咗個業主，但我從來都冇見過有人拆（僭建物）。我成日喺深水埗行，係咪要日日都擔心上面啲樓會冧落嚟？唔好等到真係有事先至識驚啦。」羅先生希望部門與業主皆能正視問題，早日清拆僭建物。