公開論政 惹中方不滿
其實，唔止英國開始同香港泛民保持距離，連泛民最大嘅「靠山」美國都逐漸唔肯出手幫拖，怕且泛民都係時候要諗吓點樣靠自己至得。
美國駐港總領事夏千福嘅活躍程度，可以話係美國對港政策嘅探熱針。夏千福早期到港履任時，曝光率超高，無論落區去茶餐廳歎茶，定係去戲院睇首映，都會擺相上社交網站，又不時開口論政，一度更惹起中方不滿。聽聞去年尾夏千福被美國「雪藏」，唔准高調出席公開場合，更加唔可以亂咁發表言論。
我哋翻查過佢嘅社交網站，發現佢真係潛晒水，對上一次公開露面已經係去年十月嘅事，睇嚟泛民咪旨意靠美國撐腰囉！