政情：小思精神好 買餸唔苦惱

筆名小思嘅本地文學家盧瑋鑾除咗精於寫作，亦喜歡到街市購買食材，實行滋味自煮。早前卓妮行經灣仔鵝頸橋街市時，見到小思隻身買餸。佢先喺街角一間生果舖逗留，見到又大又新鮮嘅各式蔬果，小思駐足細賞片刻，之後就買咗兩個青蘋果。然後佢又行入一間急凍食品專門店，於凍櫃中細意挑選兩包美國牛肉，然後排隊付款。小思去年因健康欠佳而輟筆，今次見佢買餸時精神好好，睇嚟身體應該冇大礙喇！