壹傳媒集團前主席黎智英（肥佬黎）之前多次否認曾經捐錢資助佔領行動，但有「AV仁」之稱嘅民主黨立法會議員何俊仁尋日竟然喺特首答問大會上「鬼拍後尾枕」，自爆肥佬黎就係佔中幕後金主，又話對方咁做係想操控佔領運動。肥佬黎事後急急否認有咁嘅事，而「AV仁」亦改口話自己當時只係引述特首嘅言論，唔代表肥佬黎真係有捐過錢畀佔中團體喎。「AV仁」連咁嘅藉口都講得出，莫非佢當香港市民係五歲小朋友，以為咁講就可以瞞天過海？
