政情：公民講場：堅持定死心 譚志源忐忑

泛民主派事前張揚會否決於人大常委會「八三一」決定框架下嘅政改方案，令一七年特首普選方案於立法會獲得通過嘅機會「凍過水」。政制及內地事務局局長譚志源尋日自爆，自己曾同政黨元老通過電話，收到嘅訊息都係叫佢死咗條心，承認未來工作好艱難且唔容易。不過另一邊廂，同樣被視為政壇資深人物嘅立法會主席曾鈺成就話，如果只欠佢一票通過政改方案，自己願意投票後辭去主席，又話依家仲有時間，希望政府唔好放棄同心淡。譚志源面對「唔好放棄」同「死咗條心」兩種截然不同嘅建議，真係進退兩難嘞！