「幾十歲都搞？好變態！」女街坊擬搬家
【本報訊】圖姦老婦案震驚女街坊，形容事件「好恐怖」。居民崔太怒斥：「個色魔好變態，冇人性，呢啲事本身唔應該做，更何況依家搞長者。」另一名居民吳婆婆直斥色魔是禽獸：「幾十歲阿婆都搞？佢自己嫲嫲、婆婆都咁上下年紀啦。」租住附近的陳小姐則表示，夜晚十一時許放工時，途經該後巷才能回家，今次發生這種風化案，令她極度害怕，坦言：「唔知點算好，會考慮搬到其他地方住。」
「出入小心啲」
附近小食店老闆娘黃太表示，事發前才聽受害婆婆說被人偷紙皮，豈料她收舖不久便發生風化案，並說：「發生啲咁嘅事，色魔都算變態﹗」日後出入會小心一些。咖啡用品店姓馮女職員對發生風化案感到無奈，坦言：「避都避唔到﹗」但她不會減少出夜街，也不會購買防狼器或噴霧，因為實際作用不大，只要時刻注意安全就可以。有美容店女職員驚聞風化案後大叫：「咁恐怖？」並指自己晚上才下班，故亦十分擔心，而對住後巷的「天眼」，日後將改為廿四小時錄影。
