立法會行政管理委員會尋日開會後，決定明日重新開放立法會示威區，但同時推出八招「辣招」，包括唔准示威者帶帳篷，防止佔領人士以示威為名重新佔領示威區。行管會委員陳家洛就話帳篷係示威道具之一，批評秘書處唔畀帶帳篷，係收窄市民表達意見嘅自由喎。不過，立法會主席曾鈺成就寸爆陳家洛大玩語言偽術，話係人都知帳篷係要用嚟瞓覺，又反問如果有示威者話示威同啲火或武器有關，咁秘書處係咪要畀佢哋帶火把同武器入示威區示威？
