渡海濠情：純金內衣送都唔要？
浙江溫州有金行打造咗套純金內衣，重達1,400克，金價連同手工加埋總值四百萬元人民幣，咁名貴嘅內衣，竟然反應一般，有網友更批評商品低俗，而嚟自大富豪桑拿嘅朵朵就話：「送都唔會要！」
另外選擇
朵朵話：「我買內衣最緊要就係着得舒適，所以物料一定要以柔軟為主，但呢套純金內衣，材料係貴價金屬，所以無論上下都會硬繃繃，着上身好似着咗套盔甲咁樣，行步路都唔自在，如果上圍唔啱我嘅尺碼，勉強着住，仲會搞到我呼吸困難添，所以咁重量級嘅內衣都係唔好預我，就算男朋友話送套畀我，我寧願叫佢折現好過，因為買咗我都一定唔會着，而且話就話黃金做，只見佢好似一條條絲線咁組成，着住佢出街，一來冇人睇到，唔通你唔着上衫就露個胸圍出嚟咩？與其買得唔威得，不如唔買好過！其次係行行吓街跌咗件配件，我都會心痛死，單買嚟作為閨房樂趣，我估有好多其他選擇都比佢強，好似要我扮女僕或者老師都十分似，保證男朋友玩得更開心呀！」
譁眾取寵
成四百萬蚊人民幣嘅禮物都唔要？朵朵話：「男朋友真係送咁名貴嘅禮物，我寧願送層樓畀我好過，一來可以做業主，兼且有自己嘅家，二來佢喜歡幾時上嚟，我都會好歡迎！但如果買嚟想威吓嘅！我就反而想佢買架跑車好過，因為靚女開跑車，真係去到邊都會引嚟艷羨目光，男朋友有需要嘅又可以畀佢威吓，加上實用性強，既可代步又可以用嚟投資，但你買套純金內衣，只有我用得着，男朋友又唔用得，加上又唔威得，諗落就只有保值，但四百萬當中手工費佔嘅百分比都唔少，所以扣除手工費，單係黃金就可能只得番七、八成，除非未來金價升兩三成，否則擺明會蝕硬，所以男朋友買禮物送畀我，都係買實際啲嘅好，太過譁眾取寵嘅不止冇用，有時反而會令人反感添！」
朵朵Profile
年齡：22歲
三圍：35-24-35
撰文：小德
攝影：阿昌