政情：修補撕裂 李宗德推refriend潮
早前嘅佔領行動一度掀起咗社交網站嘅「unfriend（移除朋友）」潮，好多人因為唔想見到同自己立場不同嘅朋友貼文激氣，索性unfriend咗個朋友，不過社會嚴重撕裂過後始終要修補，公民教育委員會主席李宗德（Joseph）就提議，大家不妨主動「refriend」番啲朋友，踏出第一步，與朋友和好。
Joseph就解釋，如果「被unfriend」嘅人能夠主動出擊，做一個動作加番啲移除咗你嘅朋友，唔單止可以表達自己包容嘅態度及胸襟，仲可以畀個落台階對方，何樂而不為？
同一時間，Joseph嘅女兒李美辰亦響應爸爸嘅號召，趁剛過去嘅聖誕節同新一年來臨，向友好發出refriend同befriend嘅電子賀卡，為各界打破隔膜重新友好略盡綿力。