政情：「琦」律師買西餅慰勞同事
大除夕同元旦話咁快就過去，除夕當日行經金鐘太古廣埸，人頭湧湧，我哋就遇見身兼西九文化區管理局諮詢會成員嘅律師黃英琦（Ada），手挽一大個裝滿多盒西餅嘅紙袋，急步向統一中心行去，原來係趕住返律師事務所。Ada入升降機時話，如果唔快啲返辦公室，啲同事就會走晒喇，然後以一貫招牌笑容講Bye Bye！
Ada咁急趕，估計係趁同事提早放工前，買啲靚西餅慰勞大家。睇番Ada幫襯嗰間西餅店，係位於太古廣埸六星級酒店嘅餅店，出品相當精緻，味道更加唔使講，睇嚟Ada對同事都有番咁上下喎！