政情：「今日你上鏡：彬」走緬甸一樣遇佔領

佔領行動啱啱先叫做告一段落，但觀塘區議會主席陳振彬（Bunny）日前與好友及家人齊齊去緬甸旅行，又遇到當地嘅佔領行動，令佢特別感觸。話說當地民眾因為不滿政府強行收地，於是發起佔領行動，佔據仰光高等法院附近嘅行人路，前後佔領近二百八十日，足足係香港佔領運動嘅三倍幾時間。咁特別嘅經歷，Bunny不忘留影同大家分享，之後佢就繼續行程，到有三千佛塔嘅蒲甘及曼德勒等地觀光。