中環出更：菁英有禮 與基層童樂

今次派對由新出爐嘅十八期菁英同學揸旗，主題係「菁英十八變」。話明要變身，大會預備大量假髮、假鬚、頭套及面具，方便賓客入場前「快速變面」。不過，一眾菁英會友掛住「送禮」多啲，紛紛查詢禮品收集箱喺邊。籌委會主席黃司政話，估唔到反應咁踴躍，一晚收集到逾二百份禮物，並已經於日前將禮物送咗畀將軍澳區嘅低收入家庭。

「勇」奪沖繩機票驚喜

當日晚宴抽獎環節最熱鬧，最幸運係抽中三獎嘅菁英會榮譽主席楊華勇（Johnny），見佢打開信封一刻，露出難以置信表情。原來佢抽中嘅就係卓妮日前提過嘅雙人來回沖繩商務客位機票。不過，中獎信上面只寫上「xx航空」送出幾個字，Johnny笑言寫得咁簡單，怕兌現唔到喎，但佢依家反而驚日本嘅輻射多啲囉。

菁英會女將齊齊大變身，王文博（左起）、曾鳳珠、鄭燕華、彭芷君、張詩培、顏麗儀及傅明憲。

梁宏正（右）、菁英會榮譽主席洪為民（中）及副主席林凱章（左），一同響應送禮行動。（溫國佳攝）

菁英十八期會員都有名人二代，包括莎莎國際主席郭少明次女郭詩雅，依家喺公司擔任業務發展總監。仲有明年將與亞視前執董盛品儒結婚嘅蔡一鳳。蔡一鳳因為太忙，笑言已將婚事交畀未婚夫話晒事，印印腳等做「盛太」。菁英會主席梁宏正就話，會繼續招攬年輕才俊入會，又會主動多同青少年接觸。

卓妮