回收車違泊做生意
經營食店的李小姐居於黃大仙，發現東頭邨道近龍慧樓常有回收車違泊兼大做生意，不時更會阻礙巴士埋站上、落客。李小姐不滿回收車無本生利，卻對市民造成嚴重阻礙，「我做生意就要每個月畀錢租舖，但佢哋求其喺路邊泊低架車就做生意，對我哋真係好唔公平，咁我係咪可推車仔出嚟賣嘢食唔使畀人捉？」
市民促政府根治問題
警方發言人稱黃大仙警區一向關注區內違泊問題，並會按情況作適當執法行動，以確保道路使用者安全和交通暢順。發言人指接獲轉介後已派員跟進、票控及警告回收車車主，同時提醒巡邏人員日後加強留意，如發現交通違例事項，定必採取執法行動。
「一個月最多咪抄幾次，一千幾百平過交租啦，我諗我都要考慮轉做回收業！」李小姐認為現時一直將回收車問題當作違泊處理，無法根治問題，要求政府認真正視問題並作出解決。