寶湖道街市舖位淪貨倉 食署懶理

「呢個街市其實最近我屋企，可惜好多檔口都冇開門做生意，根本就冇餸賣！」家住大埔的陳太表示，寶湖道街市有大量舖位長期被當作貨倉，購物選擇寥寥可數，不滿食環署監管不力。陳太又指，街市變貨倉已經有好一段時間，部分檔戶近日更疑因避免被食環署處罰，紛紛「扮開檔」掩人耳目，「有啲人會求其擺少少生果、魚咁喺度，淨係有個牌寫住『自助購物』，但根本冇人看檔，正常開檔邊止咁少嘢賣？」

食環署：出租率99%

就上述街市舖位長期淪為貨倉問題，本報於半年前亦曾作報道，記者近日再多次實地了解，發現情況與半年前無異，街市內人流稀少，共逾七十個檔位並無營業，不但有攤檔閘門長關，亦有整個檔位堆滿雜物。部分檔戶會擺放數個水果或數尾魚，再豎立「自助購物」紙牌，攤檔卻無人看守，舖內則塞滿貨品及雜物。

放大圖片	街市大部分商舖均無營業，現場人流稀少，食環署卻稱出租率有九成九。

食環署發言人指，寶湖道街市出租率為百分之九十九，但承認去年至今有三個攤檔因無營業而被終止租約。發言人強調租約規定商戶不得在一個月內暫停經營七日或以上，承租人需親自或僱用登記助手經營攤檔，如只放置小量貨品或無人在攤檔經營，並不符合街市租約條款，該署會派員每日巡查，若發現檔戶違規會發口頭警告，如無改善則會發信警告，若承租人於六個月內被發三封警告信後仍再違反條款，該署可終止租約。

區鎮樺	大埔寶湖道街市淪為貨倉多時，問題早已為區內居民所詬病。	街坊意見 郭小姐：「呢個街市都冇乜選擇，如果買餸我都唔會嚟呢度，會去其他街市。」
街坊意見 麥太：「入面得滷水檔、車衫檔之類係有開檔，食環署好應該睇緊啲，唔好畀佢哋日日落閘唔賣嘢！」

區議員促收回再規劃

「啲租戶依家擺到明就係走法律罅，食環署除咗要巡多啲、執法嚴啲之外，長遠都要考慮吓重新規劃個街市！」大埔區議會地區設施管理委員會委員區鎮樺要求食環署正視上述街市違規情況，並考慮收回所有舖位再重新規劃，以徹底解決街市長期「變貨倉」的問題，「呢度附近都有其他街市，如果夾硬要啲商戶賣類似嘅嘢根本冇意思，如果一日唔轉型，問題一路都唔會解決，只會惡性循環落去！」

記者：詹海萍、黃芷君