政情：公民講場：修補法治招牌 打貪咪手軟

行政會議前成員、智庫「香港黃金五十」創辦人林奮強尋日喺電台節目回顧過去一年重要事件，講到持續七十幾日嘅佔領行動，佢話好多投資者來香港，都係因為法治有保證，擔心佔領行動會令法治「金漆招牌」蒙上污點，競爭對手就會趁機搶走海外投資者。不過，為咗令投資者有番啲信心，佢之後就借許仕仁貪賄被判入獄，省番靚個「金漆招牌」，話判決印證香港法治無問題，唔會偏倚權貴咁話。咁講法，睇怕廉政公署要將「雙貪」、即「貪曾」前特首曾蔭權爵士及「貪湯」前廉政專員湯顯明「落鑊」，海外投資者先至更有信心。