政情：公民講場：「司馬昭之心」假鳩嗚真擾民

佔領行動結束後，聲稱要響應購物嘅「鳩嗚團」隨即冒起，近日聖誕節期間更有人發起報佳音行動，以打游擊方式到旺區聚集，爭取真普選。退休警司劉達強尋日就話，呢啲行動肯定對市民造成滋擾，強調香港絕對有宗教自由，但形容呢啲行動目的係「路人皆見，司馬昭之心」。咁講都不無道理，事關市民平時行街購物點會大叫大嚷呢？半夜三更亦冇乜店舖開門，加上報佳音多數在平安夜，宣揚耶穌降生嘅喜訊，之後嘅日子仲報佳音就似乎唔係慣常做法嘞。