後巷垃圾堆 傳異味擾途人
「成日都一大陣味攻出嚟，有時寧願喺另一邊行人路行好過，雖然話後巷少人行啫，但點可以咁耐都冇人理！」灣仔居民陳先生不時行經聯發街，發現洋紫荊園旁後巷經常傳出異味，對途人極為滋擾，「好多煙頭、垃圾喺地下度，食環署呢啲喺咪叫冇眼屎乾淨盲？」
食署：已徹底清洗
食環署發言人證實，經轉介後已派員巡查，發現涉事地點有小量垃圾，已安排潔淨服務承辦商清理，並作徹底清洗。發言人又承諾將繼續留意情況，適當時採取行動。
陳先生證實目前情況已見改善，惟仍認為食環署對環境衞生責無旁貸，要求檢討現有工作流程，以保障市民健康，「依家啲病毒、細菌愈嚟愈惡，一個唔留神分分鐘就可大可小，食環署好應該咩都睇緊啲，始終好多公共空間乾唔乾淨都係旨意佢哋。」