渡海濠情：參加派對 小心陷阱
今日就係普天同慶嘅平安夜，相信各位巴打都已經搵晒節目，唔係同豬朋狗友，就一定係同女友徹夜狂歡，但嚟自利澳水療嘅晶晶，就奉勸大家有啲地方真係唔去得，去咗盞搞到唔開心添，究竟係乜嘢地方？就等晶晶話你知！
人山人海
晶晶話：「我覺得千萬咪去睇燈飾，無論係喺香港定喺澳門，我都曾經賴過嘢，話說同男朋友過平安夜，於是興高采烈，打扮得漂漂亮亮赴約，點知一去到現場，簡直就係人山人海，行咗一分鐘，就淹沒喺人潮當中，四方八面都係人，你全程就係畀人逼住嚟走，本來大家斯斯文文咁行都冇乜所謂，但總有一啲年輕人就專登喺人潮中穿插，搞到啲人一仆一碌，我就有好幾次差啲被撞到『趴街』，好在男朋友眼明手快將我扶住至冇出事，最慘就係混入咗人群當中，你想離開都唔係咁容易，焗住由天星碼頭行到去尖東，足足行咗成個幾鐘，除咗怕有人亂衝亂撞之外，更怕身邊嘅人發出不明氣味，由於進退不得，你要焗住受氣，真係去過一次都怕怕，所以奉勸大家咪去逼啦！」
凶多吉少
仲有乜嘢地方千萬咪去呢？晶晶話：「好多人都奉勸囡囡咪去夜場玩，因為怕飲多咗就會畀人乘虛而入，但其實去夜場玩，由於通常都有大班人一齊去玩，所以互相有照應，加上公眾地方，眾目睽睽，所以出事嘅機會反而冇咁大，相反最危險嘅地方，反而去啲三唔識七嘅朋友屋企參加派對，由於喺人哋屋企，囡囡會以為冇咁危險，所以飲酒都會放膽啲，但最弊就係你唔識屋主，更唔識佢身邊嘅朋友，如果你跟男朋友去都仲好啲，但如果跟女性朋友去，咁就危險到不得了，隨時幾多個上去幾多個出事，所以我一定唔會去啲陌生人嘅屋企參加派對，而且派對只識得一兩個人嘅，你都千萬咪去，否則實凶多吉少，平安夜玩乜都好，大家都只求開心，搞到唔開心就唔好啦！」
晶晶Profile
年齡：21歲
三圍：34-24-35
撰文：小德
攝影：阿程