工聯會立法會議員陳婉嫻（嫻姐）日前去信國務院文化部，要求原址保留港鐵沙中線土瓜灣站期間發現的宋元文物古井，此舉難免令地區人士擔心沙中線工程受影響，甚至停工。面對地區壓力，嫻姐重申無意「叫停」沙中線工程，而係想文化部根據內地保育經歷，睇吓可否喺唔影響工程進度嘅同時，更改部分車站大堂設計，以保留呢個極具歷史價值嘅古井。嫻姐又話，希望政府同港鐵盡快追番之前因為發掘文物而導致工程延誤嘅時間，咁就可以一舉兩得喎！
