前政務司司長許仕仁久未露面嘅太太羅美美，尋日現身荔枝角收押所探望剛被定罪嘅老公，並罕有接受傳媒訪問，直指許仕仁其中一大缺點就係太大使，好在佢哋早已決定財政完全獨立，佢先可以繼續買新車同住貴樓。將來「貪曾」前特首曾蔭權爵士被定罪時，唔知佢太太曾鮑笑薇又會有乜想同傳媒講呢？可能佢會話，貪曾點止有大使一個缺點咁簡單，佢仲「貪盡海陸空」、不論係有錢人定普通納稅人嘅錢都貪、上至總統套房下至一盒月餅都要……隨時數幾日都數唔晒！
