仁妻忠告 夫婦財政須分開

許仕仁、郭炳江、陳鉅源及關雄生四名被告，在荔枝角收押所內的醫院度過寒夜，昨晨身穿囚衣腳踢拖鞋會見前來探監的律師團、親友。

憂夫健康 與許「沙煲兄弟」探監

早上九時半，許仕仁的妻子羅美美，在許的「沙煲兄弟」錢月明陪同下，乘搭私家車抵達收押所。一向迴避傳媒的許太，一改常態欣然接受記者訪問，她神情平靜，言談間多次展露笑容。她暗示自己亦很疲累，亦擔心丈夫，「擔心佢嘅健康，心情各樣都影響好大。有乜嘢幫佢做，咪見步行步囉。」與丈夫結婚四十年的許太，是退休高級公務員，對於丈夫被揭生活上「大花筒」豪花錢，以致淪落到如今地步。許太指「佢其中一個大缺點呢，就係性格上一向都係鍾意花錢買嘢，即係你要佢唔買，佢會唔會聽你呢？咁亦都無謂做太太嘅咁囉唆啦。」

許仕仁、郭炳江及陳鉅源被攝得「獄照」。(陳章存攝)

許仕仁紅顏曝光 被指是許仕仁情人的沈莉娜。（互聯網圖片）

拒做囉唆老婆 自己儲錢買車

不過，許太稱：「勝在我都唔懵嘅，我哋嘅財政係分開嘅，我返工我嘅錢我賺，咁我儲到錢，咪買架車囉。佢亂咁使錢，鍾意買佢自己嘅嘢，咁佢連累唔到我o架。」她又以自己的經驗忠告夫婦間如何理財，「我喺呢度順便忠告啲夫婦，未結婚又好，結咗婚又好，有時你唔知福禍係點o架第時，女士精啲嘅呢，自己keep住自己啲錢。」

許太由丈夫的好友錢月明陪同探監。（蘇偉明攝）	放大圖片	帶給許仕仁的物品要在檢查站接受懲教人員核查。

對於可能判刑很重、上訴問題，她坦言：「乜嘢可能性，心理都有預備，如果個天係認為咁樣適當，都無話可說。」

許太和錢月明只能帶懲教署指定的物品進入探訪室。（張世洋攝）	郭炳江的保安人員昨日亦有帶日用品給郭炳江。	許仕仁夫婦進餐時坐得離行離列，並且鮮有交談。（資料圖片）
許太稱自己賺錢自己花，故擁有自己座駕。

表明會上訴 考慮申請法援

她強調：「一定會上訴。」她稱對律師有信心，至於律師費方面，許太表示：「冇乜所謂，我哋嘅律師都好明白我財政係點樣，許生依家破咗產，律師之後上訴又好，乜都好，可能考慮法律援助，當然我希望申請得到，減輕我嘅負擔，因為我嗰舊嘢係咁大，嗰舊嘢如果係需要花費咁大嘅，咁你亦都唔掂o架嘛。」另外，過往有傳許太患重病，不過她昨日稱身體狀況尚好：「多謝天主，我嘅健康呢幾年唔錯，但係年紀到咁上下，眼睛有啲毛病，舊年我隻眼睛做咗手術。」記者追問是否方便透露病情，她指：「普通嘢，唔係致命嘅病，黃斑病變。」兩人逗留至上午十一時半後離去，神情輕鬆。被問及許仕仁是否睡得好，許太稱丈夫感到很寒冷，又反問記者：「咁凍你會唔會瞓得好？」至於許仕仁「食唔食得落」，許太形容似醫院的食物，問她：「會唔會原諒許生？」許太未有回應，與錢乘搭私家車離開，前往港島南區陽明山莊會所享用自助午餐。