佔領運動去到呢一刻，除了師老兵疲，更是進亦憂，退亦憂，進亦不過是鑽進牛角尖──死路一條，退又驚死冇面子。搞咗咁耐，黃傘竟被雨打風吹去！外部勢力與幕後黑手又豈會就此罷手耶？
老毛說：「一切事物都是對立的統一。五個指頭，四個指頭向一邊，大拇指向另一邊，這才捏得攏……不純是絕對的，純是相對的，這就是對立的統一。掃地，一天到晚掃二十四個鐘頭，還是有塵土。」事實上，反中亂港嘅壹淫媒一日存在，香港呢個轉型成為暴烈嘅政治社會，邊有可能會有一分一秒嘅安寧啊！
你睇！旺角清場後，又出現了另一類叫「鳩嗚」嘅怪物，不單行為猥褻，沿途狂呼「支持警察，保護春袋」，又反轉人哋店舖，連人家落閘都唔得。咁搞法，遲吓睇怕惡過索馬里海盜！
阿爺話就話對香港嘅佔領運動採取「不妥協、不流血」嘅無招勝有招；之不過，香港作為中國一個特別行政區，冇理由回歸十七年搞到一鑊泡o架！鬼咩！當斷不斷，反受其亂，特區政府處事，除畏首畏尾更分不清敵我形勢，「假調查真騷擾」正義傳媒，「絕代雙貪」查咗咁耐，今時今日依然是「舉着棋子不放下──拿不定主意」，難怪香港廉潔排名又創新低！香港嘅核心價值──法治與廉潔，就咁日薄西山，奄奄一息！有人指出，人類的原惡（任意、懶惰、妒嫉）一旦變得囂張，人類的精神將衰退！
佔領運動之所以搞到進亦憂，退亦憂，無非是人類原惡的囂張，學子無知而任意妄為，終搞出個大頭佛；政府與中央懶於回應，欠缺決心和魄力，終於製造了流血衝突；而「五方平台」的各自明爭暗鬥爭話事權，剛剛就是人類妒嫉、愛出風頭嘅死穴！