充社工聽同事呻
唔計「三堆一爐」，財委會都仲有低收入在職家庭津貼撥款等五個議案先輪到審議公務員加薪撥款，部分員工因為唔熟悉政府財政程序，以為擺上財委會議程就當通過咗，亦有人以為過咗立法年度，累積加薪就一筆勾銷，流言口耳相傳下就愈傳愈恐慌，要求立即加薪嘅聲音不絕於耳，甚至有中低層同事要求向鄧國威直接轉達憂慮。
據知鄧國威除咗不時充當社工聆聽同事呻外，上月亦特別發電郵穩定軍心，強調加薪會追溯至今年四月一日，不設期限，亦唔會隨立法年度完結而「見財化水」。雖然財委會尋日終於開始通過三堆一爐撥款，但局方亦唔敢抱太大期望，只係有望明年農曆新年前出到筆錢畀同事渡過年關。