Party Life：囍氣洋洋

上海灘創辦人鄧永鏘嘅長女鄧愛嘉出閣，與拍拖四年嘅英國青年律師歐文拉埋天窗，日前喺北京舉行一連三日世紀婚禮。儀式中西合璧，喺莊嚴嘅教堂行禮後，再移師北京中國會擺酒。

一對新人領舞狂歡，逾二百位親友拍掌歡呼，場面盛大。另一邊廂，藝術係對生活嘅態度，一間由名媛開設嘅生活概念店日前誕生，名媛放下身段，周遊列國搜羅特色首飾、家居飾物、家具及餐具，公諸同好。開幕當日，廣邀城中名人光臨參觀，提早為聖誕節選購禮物。

名媛出嫁「毛紡大王」曹光彪孫女曹穎惠（右）係新娘子嘅閨中密友，當晚拉埋老公柯義到賀，祝願好姐妹白頭偕老。	英國安德魯王子前妻、約克公爵夫人莎拉（中）與兩位公主Princess Beatrice of York（左）及Princess Eugenie of York（右）遠赴北京飲喜酒。	名店開幕名媛趙式和（左一）開店創業，萬達成衣出口公司行政總裁杜茱迪（左二）、奶奶李顏玉秀（右二）及藝人王馨平（右一）一同現身支持。
She.com創辦人楊鼎立太太楊翁嘉敏（左），約埋SPRING創辦人張為琇（中）及友人，細心挑選心頭好。	九巴新抱雷林靜怡一邊為子女挑選聖誕禮物，一邊甜笑，幸福盡在不言中。	「時裝女王」馬郭志清長女何馬美域遺傳母親嘅審美觸覺，眼光獨到。
香港青年聯會副主席彭芷君已計劃為家人準備特色聖誕大餐，心思十足。