政情：公民講場：收肥佬黎「柯打」泛民自作孽

壹傳媒老闆肥佬黎前日接受網台訪問，同立法會議員何俊仁（AV仁）及前議員李永達（高達）「鬼拍後尾枕」，大談不為人知嘅捐款細節。其中高達更自爆肥佬黎「好急」、「好有意見」，試過一個鐘連打十三個追魂call畀佢，肥佬黎落「柯打」叫泛民收錢做嘢證據無所遁形。即使東窗事發，但曾收受捐款嘅工黨李卓人同社民連梁國雄（長毛），仍死撐唔會畀肥佬黎嘅意見左右其決定，咁講即係承認有聽過肥佬黎嘅柯打啦！其實呢啲真係自作孽，如果唔係收咗錢，就唔使好似扯線公仔咁任人「舞」啦！