渡海濠情：做女強人 身材不保
現時很多大企業嘅管理層都係女性，但原來女強人認真唔好做，據美國有大學最新嘅研究指出，女強人容易患上憂鬱症，如果掌控員工生殺大權，更會增加9%患病機會，嚟自帝濠桑拿嘅莉莉就話：「所以千萬咪要我升職！」
高層女友
莉莉話：「好多人都希望升職加薪，但我就做過一次主管後都怕怕，所以以後一聽見上級話要升我職，我都即刻耍手擰頭拒絕，記得當年出嚟做嘢特別落力，所以好快就畀老闆破格升我做主管，我當時不知幾咁開心，但開心得冇耐，麻煩馬上就嚟，首先一班同事開始排斥我，食飯又唔預我，連放工去玩都唔再叫我，有一次我夾硬跟埋去，大家見我坐喺度，唔再有講有笑，個個你眼望我眼，聲都唔出，於是咪借啲意走人囉！點知一走出門口，裏面就開始有講有笑，不知幾咁開心，好明顯就係唔想我參加啦！同事冇晒都唔緊要，最慘當時同個靚仔同事啱啱拍拖，但一話升做主管佢就要同我分手，佢話唔想有一個高級過佢嘅女朋友，剛剛開始嘅戀情，就咁樣玩完咗！」
去做醜人
除咗冇晒同事男友外，仲有乜嘢發生呀？莉莉話：「你升得做管理層，就係要負責管理，但下面啲同事個個對你嘅指揮愛理不理，你投訴佢哋又唔係，唔投訴佢哋又唔係，總之左右做人難，之後上級知道我為難，於是仲將『炒魷魚』嘅權力畀咗我，話邊個唔聽話就炒邊個！原本有尚方寶劍在手，諗住冇死，點知仲死多二錢重，個個都放軟手腳唔做嘢，逼我炒佢，等我去做醜人，你話當時壓力幾大呢？我當時足足瘦咗成十磅，最慘連個胸都細埋，後嚟真係頂唔順，最後自己炒自己魷魚，轉咗新工後，上級一話升我職，就話明唔好預我，疊埋心水做一個小職員，亦因為咁樣同事朋友全部都返晒嚟，就連失去嘅巨乳都慢慢恢復過嚟，家陣保持住36吋，全靠冇再做主管咋！」
莉莉Profile
年齡：20歲
三圍：36-24-34
撰文：小德
攝影：阿昌