政情：立會健身室有滑雪機玩

有見立法會健身室嘅使用率偏低，秘書處近日就增設一部滑雪機，希望可以吸引更多議員去健身。旅遊界議員姚思榮（姚總）盛讚部滑雪機好玩兼易用，又透露近期經常拉埋議員馬逢國一齊去健身室玩跑步機，最少跑二十幾分鐘，又話覺得兩個人一齊做運動可以起到互相督促嘅效果。不過，議員最忌係開會期間去健身，事關姚總自爆有次跑跑吓步發現要投票，於是喺五分鐘內即刻着番件恤衫同長褲跑落會議廳投票，之後先至上返健身室沖涼，都咪話唔狼狽。