街燈故障 接轉介始維修
「繁忙路段有街燈壞咗成個星期，點解都冇人去整，夜晚冇街燈揸車好危險！」任職夜班司機的梁先生指出，何文田衞理道有街燈故障達一星期，夜間時分該段路面變得昏暗，易對駕駛人士構成危險。梁曾致電1823舉報卻無人接聽，不滿政府部門未有做好本分。
路政署發言人表示，接獲轉介後即時派員實地視察，發現有關街燈有故障。該署隨即安排維修，維修工作已於翌日完成。
疑質素欠佳 促慎選燈泡
梁先生其後亦證實有關街燈已恢復正常，「其實要整番好啲街燈可以好快，問題係當市民見到壞燈時冇渠道去舉報，1823咁難打通，應該設立一條專門舉報壞燈嘅熱線。」梁質疑有個別街燈燈泡質素欠佳，要求有關部門安裝燈泡前，應嚴謹選用燈泡。