渡海濠情：洞房時刻 令人回味

香艷鏡頭

安琪話：「拍攝新婚時短片，我覺得太普通啦！如果畀我拍，一定拍洞房花燭夜嘅片段，因為好多新婚短片，拍到飲宴送客後就冇下文，睇片嗰個總會覺得到喉唔到肺，換轉我係新人，一定拉大隊再拍埋落去，講一對新人返到新房，如果有兄弟姊妹鬧新房嘅，一於拍埋落嚟，如果冇嘅，一對新人點樣沐浴更衣，準備迎接人生最美一刻，相信都會非常精彩，當然我唔係要拍三級片，但香艷鏡頭真係唔少得，何況女人成世人最美一刻就係做新娘嘅時候，所以除咗婚紗、裙褂、晚裝外，新房內性感造型亦都應該唔少得，有啲姊妹會怕自己身材唔夠好睇，其實真係唔使怕！因為你已經係全世界最靚嘅新娘子，有冇身材又怕乜嘢！只要攝影師拍得靚靚，理得你有冇身材吖！」

勾起記憶

咁要拍啲乜嘢呢？係咪將洞房過程全記錄呢？安琪話：「都話咗唔係拍三級片咯！使乜全程拍攝呢？我嘅構思好似拍電影啲親熱鏡頭咁，拍攝我哋喺新房裏面浪漫纏綿嘅片段，全部點到即止，唔使真做嘅，再加一啲特寫鏡頭，例如鴛鴦戲水、激情濕吻、十指緊扣等，營造出初夜時嘅歡愉效果，最後個鏡頭就喺大家都徹底滿足後，甜蜜地相擁而睡，呢段片咪睇小佢，相信十年八年後睇番，隨時都會燃燒起當日嘅激情反應，比睇日本AV片仲要挑情呀！當然要喚起彼此嘅記憶，拍完片後當然要真做一次啦！唔係邊有記憶呀！總之嗰晚有幾激就幾激，令大家都畢生難忘，當結婚日子一耐激情轉淡時，只要再播番呢段短片，即時就能勾起大家嘅記憶，回復新婚時嘅激情歲月！」

安琪Profile　　

年齡：21歲

三圍：35-24-35

撰文：小德　

攝影：阿昌