中環出更：長毛鬧黃國健「你鳩啦」
佔領行動一敗塗地，「雙學」學聯及學民思潮日前發動圍堵政府總部更是自毀長城，惟警方當日以警棍驅散示威者，竟然引起泛民主派立法會議員要求本周內召開保安事務委員會特別會議討論事件。不過，有份參與佔領行動嘅泛民議員提出討論已經有利益衝突，佢哋唔肯自首不特止，尋日「長毛」梁國雄更被指以粗口辱罵工聯會黃國健，唔知佢哋想點呢？係咪想有你講冇人講呢？
建制派強烈反對召開特別會議，議員陳鑑林指呢個時候討論，想警察放軟手腳執法係不切實際，如果示威者唔係霸住條路、衝擊警方防線，清場就唔會出現，不如叫示威者早啲散Band啦！旅遊界姚思榮就話事件係要討論，但討論嘅係示威者暴力，因為有警察被人打。工聯會郭偉強更加話，依家討論咪即係叫警察綁手綁腳，認為應在佔領行動完結後才討論。
會議期間有人提到下月二十七日，警隊一哥將會喺立法會交代本港治安情況，長毛即時發難話，佔中係香港頭等大事，係咪應該早啲講。黃國健就即大聲話，你都話佔中係最大罪案啦！長毛就辱罵黃國健：「你鳩啦！」黃即叫道：「唔好借故講粗口」。長毛反駁話係「鳩嗚」個「鳩」，唔係粗口。最終會議擾攘四十分鐘，都決定唔到係咪開會，鬧劇一場。
卓妮