上水：水貨客擾民 打擊欠力度
上水水貨活動猖獗，令區內居民生活飽受滋擾！陳先生指上水石湖墟一帶已成為水貨活動重災區，其中巷仔街每日下午皆逼滿水貨客，不但阻塞通道，亦影響環境衞生，「佢哋日日喺度分貨，好好地一條街變咗水貨倉，垃圾又周圍都係，日日掃都唔得啦！」
阻街且影響衞生
食環署發言人表示，水貨客處理貨物及阻塞道路的問題涉及個別政府部門，該署負責環境衞生，除每日清掃上址外，亦定期清洗街道。過去一年，該署接獲二十一宗相關投訴，並發出一張定額罰款通知書及四張「移走障礙物通知書」。
「依家水貨活動咁猖獗，政府根本都做唔到嘢！搞到佢哋更加肆無忌憚咁滋擾人！」陳先生不滿政府無力打擊水貨活動，令上水區居民生活飽受滋擾。