最近匈牙利有套防性侵嘅宣傳片，講三個花枝招展嘅女仔去夜店玩，當中一個女仔因為飲酒太多，離開時就遇上不幸，當地婦女當然反對把責任推晒落女性身上，嚟自帝濠桑拿嘅佳佳就話：「咁樣玩法梗出事啦！」
佳佳話：「我每次出去玩，都一定唔會一個人，因為一個人太危險，我就喜歡五、六個人去，事前話明無論發生乜嘢事都要齊上齊落，五、六個姊妹共同進退，除非搵到食，咁樣就無辦法，但五、六個姊妹齊齊都搵到食嘅機會唔大，所以臨走時點都會留低兩三個喺度，呢兩三個就可以互相照顧，另外如果我哋當中有男朋友嘅，亦會搵佢哋嚟做保鏢，因為出入呢啲環境，有時冇個男人喺身邊，真係好蝕底，所以呢個保鏢真係唔少得，而且萬一有姊妹飲醉咗，仲有個壯男喺度搬吓抬吓，總好過幾個女仔乸手唔成勢；萬一冇男人出席，咁我哋事前就會抽『生死籤』，搵定一個囡囡做看更，點樣都好，一杯酒都唔可以飲，保持清醒到最後一刻，用嚟平安送我哋返屋企。」
咁玩法又真係安全好多喎！佳佳話：「雖然話有一個囡囡保持清醒，但有時一個人未必照顧到五、六個囡囡咁多，所以有男朋友嘅，呢個做看更嘅囡囡就會即時Call啲男朋友嚟幫手，而且我哋每次去玩都會事前訂定架七人車，玩到差唔多時候，做看更嘅囡囡就會叫定架車喺樓下，佢搬到就搬，搬唔到就會叫侍應借架手推車，推晒我哋落街，之後司機會搬我哋上車，負責嘅司機接送我哋慣晒，所以特別安全，有時仲會抬埋上樓添，當然除咗車費仲要畀啲貼士啦！但總好過瞓喺街等的士或者隨便上陌生人嘅車，所以我哋周不時出嚟玩都冇事發生，就因為我哋做足準備工夫，當然自己唔好飲到斷片都好重要，自己行得走得，總好過畀人當死豬咁通街抬住走，好睇一百萬倍啦！」
年齡：22歲
三圍：34-23-34
撰文：小德