政情：公民講場：社企化怨氣？鬍鬚曾嘥氣

特首梁振英前日宣布喺扶貧委員會下增設專責小組，聚焦探討從教育、就業同培訓，協助基層青年人向上流動，立即畀班泛民同佔領人士質疑「斷錯症」，強調大批青年人參與佔領行動，係為咗爭取真普選而唔係爭取向上流動。財政司司長曾俊華（鬍鬚曾）尋日喺網誌撰文，大談香港嘅社會企業發展，認為大力發展社企可為社會注入更多正能量，為有理想、有抱負嘅青年人提供另類工作選擇，為香港經濟同競爭力增添新元素，也為解決一些社會問題帶來助力。唔通鬍鬚曾以為只要啲社企請多啲青年佔領者，佢哋就會除低個口罩唔再霸路同搞事？