簡單的活動室被布置成小教室，桌子上放了實驗用品及一份份精美的筆記，「小小科學家」開課了。「今日我哋要講嘅係浮力……」經過課堂教師一輪講解理論後，青雲社義工與一班來自有需要家庭的小朋友齊齊留心聆聽，然後，期待已久的實驗開始了！

全情投入 樂在其中

小朋友紛紛拿起泥膠「起勢」捏，務求做出會浮在水面上的泥膠船，「唔得呀，太厚啦個底！」各人經過無數次「搓圓扁」，泥膠船浮於水面一刻，不禁舒一口氣。接下來，義工及小朋友親手「炮製」熱氣球，看着熱氣球升空，都興奮得雙眼「發光」，大拍手掌。

Amy（左）及Alan都在義工活動中有意外收穫。

義工們與小朋友共同製作熱氣球。

「堂上嘅實驗好似生果點樣發電，水樽啲熱水點解會向上流，自己上堂前都無接觸過。」義工Alan為理科生，但別以為做實驗就駕輕就熟，他說部分小實驗聞所未聞，難怪記者見他於課堂上全情投入，與小朋友同尋科學道理，他謂下課後亦會把小實驗帶到生活，與姨甥談科學、說原理。「開頭做（實驗）得兩個人話要試，最後竟然全部人都好踴躍話要再做多次。」當初只為喜愛與小朋友相處而成為義工的Alan坦言，小朋友反應熱烈成為推動力，這種意外收穫令他十分滿足。

實驗期間，大、小同學皆樂在其中。	小朋友聚精會神看老師做實驗。	Winnie希望「小小科學家」能讓所有參加者樂在其中。
義工們在課堂前都會「開會」做足準備。

「生活上好多嘢原來都有啲科學小常識，自己都好好奇，所以就參加活動。」另一名義工Amy為文科生，直認對科學認知不多，在課堂上，她既是大姐姐，亦是小朋友的「大同學」，一同探索科學世界。她坦言，曾被一些小實驗難倒，想過放棄，「但啲小朋友係不斷試十幾廿次都唔放棄，只係想完成實驗，我好享受睇到佢哋失敗再試嘅過程。」Amy笑言，這是科學帶給自己知識以外，更重要的一種精神境界。

體會失敗學習不斷嘗試

義工與小朋友共同「學習」經歷，由「小小科學家」活動負責人Winnie精心策劃。Winnie指活動希望以實驗的力量引起小朋友對科學的興趣，亦期望大朋友樂在其中，在互動的過程中學習到知識以外的元素。

「科學除咗係知識，亦係過程。」活動負責人及課堂教師Winnie不但希望小朋友學習到科學知識，亦期待他們明白何謂實驗，「實驗有成功有失敗，唔同嘅方法有唔同嘅結果，係要不斷嘗試。」科學就在生活的每一個角落，「科學狂迷」Winnie希望通過簡單的小實驗，令小朋友體驗科學趣味。

既然是科學活動，為甚麼不全選理科生作義工呢？Winnie表示義工並不是老師，而是跟小朋友一起學習的「大同學」，「我哋唔希望係十個老師圍住你（小朋友）、逼你學，而係大家一齊同步投入，享受實驗嘅樂趣。」

圖：吳啟偉／文：馬鳳玲

提名熱線:3600 9999

Fax:3600 9900

E-mail:like@on.cc