旺角入夜，比起古戰場更令人心寒；古戰場亦不過是「鳥無聲兮山寂寂，夜正長兮風淅淅。魂魄結兮天沉沉，鬼神聚兮雲冪冪」；然而，旺角黑夜，「清場」未見成功，皆因清除了物障鐵馬帳篷，清除不了叫囂、無法無天嘅「口罩黨」、帶頭搞事嘅刁民！
示威者無視警方的呼籲與警告，公然挑釁指罵，一邊大叫「黑警」，一面嘻皮笑臉：購物！彌敦道！一時衝出馬路，又話執錢，又話綁鞋帶！完全視警方如無物！更離譜的是，搞事者更全副武裝，手持自製盾牌與警方對峙，有警員被雨傘插傷流血！有警員電單車被破壞！
旺角高危——還是個「鳩嗚」之地嗎？佔領兩個多月以來，在該區嘅商家店舖肯定喊得一句句，「鳩嗚」之地已成鬼域之所。
香港之死，源於佔中；大學之死，在於舉傘；無良政客與鼓吹佔領行動嘅壹淫媒，一味顛倒是非，混淆黑白，只是抨擊警方清場，使用過分武力！警方清場，家陣連催淚彈都唔敢用，只係用催淚水劑，這也是「過分武力」嗎？挑釁青年演繹無良政客嘅「不守法絕非等同不尊重法治」，公然叫囂玩嘢，辱罵警察係「狗」……若然警方舉警棍驅趕示威怒潮都算過分武力，當真佢哋個個都可以立地成佛矣！
有讀者小市民來信；痛心疾首話自己幫唔到乜嘢忙，但有份簽名支持警隊，佢話警察為大眾嘅清場行動完全無錯，錯在警察在明，牛鬼蛇神、漢奸、幕後黑手在暗！
小市民希望香港有良謀精英，盼他們可以保護香港這塊土地！讚揚本報立論公正，希望老朽代問候前線的和身心受創的警隊每個人！佔領行動形勢逆轉，市民大眾對警方執法清場有壓倒性的支持，佔中三子黯然淡出，天真嘅學生哥情願當炮灰也不肯回校讀書？