或卸任展覽服務公司主席
不過，我哋收到風，已經做咗兩屆工展會嘅Jimmy搞完下月十三日登場嘅工展會後，好大機會卸任展覽服務公司主席一職，但繼任人選仍在物色當中，係咪照舊喺副會長之中揀選都未知。
展覽服務公司最大任務係搞好工展會，雖然工展會已經有四十幾屆歷史，但係展覽服務公司只係成立十年。Jimmy掌舵之前，由會長施榮懷做足四年，唔怪得廠商會內部早已出現要求輪替嘅呼聲。據了解，呢個職位更替同換屆選舉冇關，估計要等新班子上場後先至作最後決定。Jimmy咁叻幫廠商會賺錢，自然被重用，聽聞佢將會幫廠商會主管財務，相信就算換咗崗位都可以再發功為該會効力。